Kwonik Dyesèl

 Tèt kale

Misye parèt devan an san prese, li konsilte mont li avan l rantre.

- Hey! ou gen kenz minit reta wi ti nèg.

- Dezole m te pran nan blokis.

- Se pa grav cheri. Epi epa w pa bo m, kèk lòt fanm ou kwaze sou wout la wi ki fè w gentan pa ret sou mwen an.

- Ah… Ki bagay lòt fanm w ap pale la a? Apèn m ap parèt ou tou atrap mwen ak yon koze reta.

Yon bizou ki te dwe dire yon mòso segond, pran dis pito. Lè moun yo resi dekole bouch yo, Dyesèl enstale kò l anfas fi a.

- Bon, Melissa kote bo nou fè a pou w te gentan nan refade bouch ou a?

- Sa w pa konnen jeune homme, sèke fa sa a se youn nan zouti m te itilize pou m sedui w yo. Manmzèl di sa ak yon ti souri koken arebò machwè li.

Dyesèl fin louvri bouch li pou l reponn, men li bay vag. Di Melissa se tèt bouda l sèlman ki te atire atansyon l p ap yon bon lide.

- Epa se nan yon otèl ou te banm randevou a bb? Sa etone m wi. Jeneralman se gason ki pran mòd inisyativ sa yo.

- Se yon bèl ti espas. Epi m te vle fè lè pou ti sè m nan al nan kou, otèl la pa twò lwen lakay la.

Misye leve tèt li pou l gade, efektivman espas la elegan. Gen plizyè flè ki sòti nan rantre a jouk rive nan bar la. Pi devan gen yon gwo pisin ak de koup k ap benyen ladan l. A yon dizèn mèt distans, chanm yo tou aksesib, yon nonm te mèt gen yon kantite kleren egzajere nan tèt li, l ap jwenn yo san fòse. Dyèsel gentan konprann pouki chanm yo tou pre ak pisin nan konsa, se pou lè gen ijans. Detay sa a amize l.

- Ou pa bezwen ap souri non cheri, jodi a sa p ap fini sou kabann.

- E pa t menm sa ki te nan tèt mwen menm. Men si sa p ap fini sou kabann, pouki se nan yon otèl ou chwazi trennen m baby?

- Bon, nou gen plis pase de mwa depi nou renmen, mwen vle mennen w lakay mwen jodi a.

- Men bb ou te ka jis banm adrès kay la.

- Te kwè m di w sa deja, ti sè m nan pral nan kou talè. Mwen vle nou nan kay la poukont nou.

Li gade Dyesèl dwat nan je lè l ap di sa, yon fason pou misye byen konprann souzantandi a. Poutan li fenk sot di sa p ap fini sou kabann.

- E paran w, yo pa prezan ?

- Manmi m an pwovens depi yè. Papi m en voyage d'affaires.

- Ebyen kay pou nou wi la a.

Sèvè a pote de byè, li debouche yo apre sa li vire. Moun yo poko menm bwè demi nan boutèy la, yon mesaj monte sou telefòn Melissa a. Iphone nan fè bri, flach ki nan do l la bay yon ti kout limyè.

- Sa se mesaj mwen t ap tann lan. Ti sè m nan deplase, ann ale cheri.

Dyesèl derape pou li al peye byè yo.

- Attends bb, c'est moi qui paie. Dayè se mwen ki te envite w. Sere tout bonne volonté sa a pou lè nou rive.

Aprè yon ti tan...

- Kay la pa t lwen vre non, m pa menm kwè nou pran senk minit pou nou rive.

- Sa vle di w te met pawòl mwen andout ? Ton Melissa di sa a pa agreyab ditou.

- Non bb se pa sa mwen di, mwen te senpleman panse n ap pran plis tan nan wout. Dyèsel reponn dosilman, e pa lè li fin rive nan kay la pou sa vin gate.

- Ou gen chans. Rantre vit pou chen yo pa sòti.

Kè Dyesèl fè vap.

- Anh1 gen chen isi a epi w pa di m sa/

- Sanble w kapon bb ?

- E pa kapon non, mwen pridan.

- Fara te mare yo anvan l sòti, e pa yo nan kwen garaj la.

- Gad gwosè tèt yo, sa pa chen ayisyen non bb ?

- Pittbul yo ye bb.

 

Dyesèl fè yon ti delese chen yo pou l gade lakou a. Garaj la gen twa machin dènye modèl ladan l, sou bò dwat la gen yon jaden men lajè. Pi lwen, jouk nan ekstremite teren an, misye dekouvri chato a. Li etale sou twa etaj, tout estrikti a fèt ak fè, bwa epi vit.

- Sa w genyen w pèdi nan kay la konsa a ti nèg ? Ann rantre.

- À vos ordres madame.

- Depi kilè w te chevaleresque konsa a menm ?

- Depi lè m dekouvri ou se yon prensès la.

- Sa fè de ou Prince charmant mwen an ebyen ? Ou gad twòp fim wi bb.

 

San li pa bay misye tan pou l kontanple andedan an, Melissa trennen l nan chanm li an dwat.

- Ret tann mwen la, m pral rafrechi mwen. Epi l pouse misye sou kabann lan.

 

Dyesèl ki konn sa k ap tann li, kòmanse met tèt li alèz, talè pral gen aksyon. Tou rilaks, misye deboutonnen chemiz li. Apre sa li fè ti fokis sou chanm lan. Sou kwafez la, gen plizyè pafen diferan ki ranje anplis de tout yon asenal makiyaj. Gen de linèt fantezi mov ki tou kole ak miwa a epi gen yon demi boutèy hand sanitizer tou pre a. Nan kwen dwat la, gen twa anbalaj piwili plis yon po Pringles vid.

Misye kontinye ap gade. Gen yon gwo chèz ki sou bò dwat kabann nan ak tout yon parapli mov panche sou pye l. Tou kole ak chèz la, gen yon ti pànye ki gen kèk grenn mòso rad ladan l. Anlè chèz la, gen yon imaj ki afiche tout pozisyon Kamasûtra yo, misye fè ti souri. Epi nan vire tèt li konsa, Dyesèl al tonbe sou yon pòtrè Michel Martelly tou souriyan ak kravat wòz li nan kou l, egzakteman anfas kabann lan. Idemyatman san misye bouyi, ensten l di l li an danje, fòk li degèpi rapid. San fè bri, misye wete kò l nan chanm nan epi l pran direksyon deyò pou li.

- Pou tout fanm ki gen nan lari a, epi se sou yon fanatik nonm sa a m tonbe, vye moun nèt. Ala ti nèg pa gen chans papa.

 

Misye degrengole eskalye yo, li tou ap priye pou chen yo pa fè bri lè li rive bò garaj la. Chans pou li sa fèt, li kouri franchi baryè prensipal la.

- Chofè al lage m bò stad. M prese man.

- W ap peye bon ti bwas wi baz.

- Pa enkyete w pou sa, jis banm gaz zanmi, byennèt moral mwen menase.

Herbert N.

 

 

La chronique de J-One

 

La Chronique de J-One 

La parade est terminée. Le 18 mai aura été célébré à des lieux de son site historique mais pour le gouvernement ce n’est rien. Reporter la célébration de l'indépendance du 1er janvier au 7 février, pour ce gouvernement, c’est du pareil au même. Le seul vrai coup qu’auront réussi le premier ministre et sa bande, de un: c’est d’aller organiser une telle manifestation sur le terrain d’un prétendu adversaire politique. Et de deux: c’est d’avoir survolé le problème, c’est-à-dire la terre promise. Ah! Il est tout aussi important de souligner que bien avant, la capitale a eu droit à sa petite célébration. Non! Pas au MUPANAH. Maintenant les célébrations du gouvernement se font dans les hôtels en manque de touristes et de visiteurs.

Le fils de Dessalines n’a pas pipé mot, lui qui était si zélé pour lancer la mobilisation dans le nord. Si l’argent fait chien danser, il fait taire les politiques aussi. Je dis ça, je ne dis rien. En parlant d’argent, lors de la célébration de la fête du drapeau, on a eu droit aussi à un distributeur d’argent ambulant. Distributeur de 500 gourdes pour encourager ses partisans à soutenir leur grotesque comédie. On aura tout vu sous ce beau ciel.

Et puis comme on aime dire souvent : "Après danse, tambour lourd". Fuir la capitale et ses bandits légaux ne résout pas le problème. Mais bon, le HCT semble avoir la solution. Il tient son forum sur la sécurité. On va décider du sort de la sécurité avec des experts de rien du tout, boire du café et du thé, gaspiller l’argent de l’Etat. Après on aura le temps de faire son mea culpa. De toute façon, leurs péchés leurs sont pardonnés d’avance.

En bref, les bandits continuent de ferrailler. Les policiers sont de plus en plus impuissants. Les chefs sont plus que jamais insouciants. Le désespoir bat son plein. Hier encore au pied des héros à Vertières, un homme s’est immolé. Frank lui-même, au milieu de son désespoir n’a pas pu se donner la mort. Cet homme, lui, a pu. Il s’est tué par le feu, sous les yeux d’une foule excitée par ce spectacle mais qui n’a rien fait pour l’en empêcher. Et si c’était une manière de traduire le comportement de cette communauté internationale à notre égard. Nous regarder nous entretuer et ne rien faire du tout, du moins contempler.

Kwonik Dyesèl

 

Sa ki pa bon an bon

Yin ak Yang. Senbòl byen ak mal. Kredi: Foto Google

Sou wout la chaje pousyè. E van sa a k ap soufle ak yon vyolans tèt chaje a transfòme katye a an dezè Sahara. Mas tè a ap vòltije anlè a kouwè fèy bwa lè lotòn pwente. Erezman Katyana te mache ak yon foula, li kouri vlope tèt li pou pousyè a pa fin sal cheve l nèt. Men malerezman pou li, manmzèl pa t pote kachnen nan valiz la, apre de twa rafal, van an fann lèv li. Kòm operasyon li pral mennen an mande fòk bouch li byen klere, li pat bliye trenbale yon ti bwat pomad Vazlin. Konsa tanzantan, li pase dwèt li arebò bwat la epi l aplike pomad la sou tout sifas lèv pilpez li yo. Fòs van an anvi dekouraje l, men Katyana konnen misyon sa a gen yon enpòtans kapital pou suit lavi l. Li oblije pran kouraj li ak de men pou li regle sa kòmsadwa.

Manmzèl konnen Dyesèl p ap yon kliyan ki fasil, men li detèmine pou li itilize tout atou l gen nan manch li pou l konvenk misye. Fòk mouche a rive aksepte pitit ki gen twa mwa ap grandi nan vant li an se pou li, sinon kaka ap voye. Se pou sa li mete ti wòb kole sa a sou li epi san soutyen ni kilòt. Malgre sou tout wout la entimite l ekspoze ak enfeksyon pousyè a ka koze, manmzèl te oblije pran lari a konsa, paske fòm kò l se yon zam ki ka ede l amadoure ti nonm lan pi rapid.

Ofon, Katyana rekonèt li te manke pasyans. Se sa ki lakoz li nan sa li ye a. Yon semèn apre l fin kraze relasyon li te genyen ak Dyesèl la, misye vin jwenn yon bèl djòb nan yon òganizasyon entènasyonal. Epi selon sa manmzèl tande, se pa yon pòs raz misye okipe, sa vle di salè mansyèl li ap konfòtab anpil. Menmsi lanmou patap mo ideyal pou li esplike sa l santi pou Dyesèl, men kanmenm nan fason li apresye misye a yo t ap ka antann yo pou yo konstwi yon kichòy, sitou misye pa t konn ezite mete mwayen nan men l lè sa bon. Ak nouvo travay sa a, se an gran lam de limena li ta pral poste sou katye a. Nan twa mwa ki sot pase yo, erè sa a twomatize l nan yon pwen, menm somèy li te pèdi.

Sa ki pase, tout pandan li te renmen ak Dyesèl la, Katyana pa t janm sispann fè ti tchèk sou kote, konsa li toujou gen ti bwas nan men l paske li pa konn fonksyone san biyè vèt yo pa kwoke nan tèt kilòt li. Men gen youn nan nèg yo ki vire lòlòj li. Konsa de jou aprè li fin fè bagay ak menaj li, li al fonksyone ak ti mouche a san li pa takse l epi san yo pa itilize kapòt nonplis. Se pil pwomès menm ti nonm sa a te konn ap fè l yo ki motive manmzèl kite Dyesèl. Lè règ pa vini, an bon dayiva ki metrize koze l, li gentan gen sètitid se semans ti nonm nan k ap jèmen nan vant li. Manmzèl annik aprann misye li ansent pou li, nonm nan disparèt ak yon vitès, menm politisyen isit yo pa gen ase konpetans pou yo disparèt lajan ti pèp la rapid konsa. Li oblije pran sa an men. Malgre plizyè tantantiv pou li avòte, anyen pa t mache. Li bwè plizyè melanj natirèl, li vale plizyè konprime diferan, tout se tan pèdi. Kounya li sou twa mwa gwòs, si li eseye yon metòd ki pi radikal, asireman l ap tou rejwenn peyi san chapo menm jan ak bebe a.

Se tout evenman sa yo ki kondui Katyana dwat sou wout chaje pousyè li ye a. Jodi a se samdi, Dyesèl pa travay nan wikenn, asireman l ap jwenn misye lakay li. Entansite van k ap soufle a pa janm bese, men manmzèl p ap pran dis minit pou l rive. Motivasyon l double, li kontinye mache.

Nan menm moman an, Dyesèl resevwa yon mesaj sou imèl li, se òganizasyon an ki voye l. Pou misye rive jwi tout avantaj fonksyonè entènasyonal yo abitye benefisye nan mond lan, yo te soumèt li ak yon pakèt tès medikal ki dwe bay nan ki eta sante l ye, konsa responsab yo ap konnen sou konbyen lane misye ap kapab founi bon pèfòmans. Tout rezilta yo te satisfezan, se ka ki fè Dyesèl te rive siyen kontra a. Men pami tout tès yo te gen yon espèmogram, rezilta a pa t ko rive jwenn misye. Mesaj ki monte sou telefòn li an se sijè sa a li abòde. Lè nonm nan louvri imèl la, twa fraz li li yo manke rete kè l : misye esteril.

Dyesèl pa t ko janm reflechi a fonde yon fwaye, men depi lè li jwenn travay sa a, koze fè pitit la travèse lespri l a plizyè repriz. Non sèlman li t ap jwenn ase mwayen pou li byen asire levasyon tchovi a, mete sou sa, posibilite òganizayon an ba li pou l konstwi yon bèl karyè t ap pèmèt li bay pitit la tout atansyon li merite. Grenn imèl sa a baleye tout rèv entim sa yo misye t ap nouri a. Pandan l ap eseye dijere nouvo reyalite sa a, pòt la frape. Dyesèl ranmase kouray li epi li ale louvri.

Je misye tonbe dwat nan je Katyana. Nan tan nòmal li t ap fèmen pòt la nan figi manmzèl ak vyolans, men fason imèl la sekwe zantray li yo anpeche l aji konsa. Misye jis fè yon ti ekate epi li bay fi a rantre. Pandan manmzèl ap chita a, li bouje kò l yon jan pou nonm lan remake li pa pote souvètman, domaj efè li te atann lan pa fèt, ta sanble gen yon lòt bagay ki akapare lespri Dyesèl. Kounya Katyana vin pa gen lòt chwa, se ak mo k ap sòti nan bouch li pou li konvenk misye.

Manmzèl tanmen rakonte istwa a san l pa bliye presize jan absans Dyesèl nan lavi l lakoz li pa ka ni manje byen ni dòmi byen. Li pousuiv pou li esplike jan li renmen l epi nan ki nivo li regrèt separasyon an. Nan fen istwa a li di misye se ak kè kontan li te aprann Dyesèl te kite yon pitit ap grandi nan vant li, petèt sa ka pèmèt yo rekole mòso yo yon fason pou yo ka fonde yon fwaye. Nonm lan t ap tande tout sa Katyana ap di yo ak atansyon, kòm li te toujou renmen manmzèl li patap gen pyès pwoblèm pou l tounen avè l. Men lè mo ansent lan pwononse, Dyesèl tonbe ri.

Lè misye remake vizaj Katyana make sipriz, li louvri bouch li pou l esplike manmzè l rezon ki fè l ap rikane konsa a. Apèn Dyesèl fin di l li esteril la, li pete yon ri ankò epi l di byen fò : « Gad jan mwen chape anba grif yon lougawou! Sa k pa bon an bon vre tande. Lavi pap di w ! » Apre sa misye retwouve san fwa l pou li di manmzèl fout li deyò la a avan l pa trennen l jete nan lari a li menm. Katyana ki santi l blese nan ògèy li paske kou a pa mache, tonbe fè eskandal anndan an. Li di misye : « Kote m t ap kite vye egare tankou w vin gwòs mwen ? Mwen te vin la a pou m ba w pot chay la paske m tande w gen ti mwayen nan men w kounya, men bèl fanm ou wè devan w lan patap janm ka manman pitit ou tande ti enpav ! » Epi tou an kòlè manmzèl sòti, li kite misye ak tout sezisman anndan an.

Pandan Dyesèl ap reflechi ak sa Katyana sot revele a, misye di tèt li gade jan manmzèl gen fyèl, melanj rizèz ak mechanste sa a pa ka karakteristik bon moun. Poutan si se pa t bagay ansent sa a li t ap tounen ak fi a wi. Epi pandan misye ap sekwe tèt li konsa, yon lòt imèl monte sou telefòn nan. Anfèt rezilta ki rive jwenn li an se pat pa li a. Boutofen Dyesèl pa esteril vre, semans misye tèlman rich, yon sèl kout gouday sifi pou l ponn plizyè pitit. Ala nouvèl rejwisan sa, se atò Dyesèl pete ri anndan an. Lè gòj li fè l mal atò, li kouri al achte yon boutèy wonm a pou li selebre pakèt bon nouvèl sa yo.

Herbert N.

 

 

Kwonik Dyesèl

 

Verite sou tanbou

Tanbou tradisyonèl Ayisyen. Kredi : Imaj Facebook

 

Dyesèl depoze pye l sou sòl Gonayiv la pou premye fwa nan lavi l. Site endepandans, yon vil ki make listwa nou kòm pèp nèg ak nègès. Malgre misye vin Latibonit deja, li pa t janm vin nan komin sa a. Tout sou wout la, misye te pèdi nan rizyè yo. Kounya bis la rive nan estasyon an, li ranmase valiz li mete atè, epi l tanmen detire, paske chòk li pran sou wout la sifi pou bay nenpòt gason vanyan malkadi.

    Misye gentan planifye plizyè espas istorik li pral vizite, men avan tout bagay, fòk li rantre kay granma. Apre kèk minit dèyè yon moto, Dyesèl rive nan lakou a. Yon ti kouzin vin akeyi li, pran valiz la nan men li epi fè l rantre chita. Sou tab la, gen yon kafe byen pwès ki te deja ap tann li ak kèk bisuit plis yon bokal manba. Apre li fin degiste lamanjay la kòmsadwa, li pase pa dèyè lakou a pou li ale salye granmoun yo. Gen tonton Jan ak madanm li, matant Founa, Jozye ki se yon pwòch fanmi an, epi granma Nana ki chita sou yon chèz pay ak pip li nan bouch li. Nan kwen adwat lakou a, gen twa timoun k ap jwe marèl anba yon gwo pye mango. Premye a se Lilin, pitit tonton Jan, se li ki te vin louvri pou Dyesèl. Lòt yo se de ti gason, youn gen dis lane, pi piti a gen sèt. Yo abite sou katye a, men se kay granma Nana yo pase jounen yo nan moman vakans.

    Apre salitasyon, Dyesèl chita pou l reponn kesyon sou fanmi ki Pòtoprens yo : kòman yo ye ? Èske yo manje ? Kòman yo jere koze banditis la ? Elatriye... Granmoun yo tou pwofite okazyon an pou yo rale zòrèy li, paske se pa nòmal pou tout rasin fanmi an makonnen Gonayiv epi pou se premye fwa misye vini nan vil la. Se te moman tou pou granma fè edikasyon jenonm lan sou relasyon moun ki nan lakou a tise ak lespri mistik yo. Sòti nan wayòm Dahomey pou rive Ayiti, lwa yo pa t janm abandone pitit yo. Kidonk chak grenn moun ki antre isit la dwe yo respè. Dyesèl ki te toujou aksepte kilti peyi li nan tout divèsite l akeyi pawòl sa yo ak souri bò kwen bouch.

    Lè a pase vit, dezè nan aprèmidi gentan pral pwente. Dyesèl fè yon pase nan kizin lan, vant li kòmanse mande l règleman. Misye wè lalo a epi sòs pwa a gentan pare. Se sèl diri a ki poko fin kuit, men li gentan ap toufe. Nan menm moman an gen yon moun ki franchi pòtay la. Se Franklen, yon kouzen ki pa abite lwen, sa konn rive li dòmi nan kay la tou. Misye se mòd moun yo di ki gen yon sizyèm sans yo, paske depi manje pral separe, li parèt. Sa grann Nana te bliye di Dyesèl, sèke: Franklen gen yon mwa depi l ap li kèk liv filozofi, li gen yon diskou materyalis l ap devlope, kòmkwa se matyè sèlman ki konstitiye tout sa ki antoure nou. Selon misye, tout ideyalis se moun fou, menm jan ak sila yo ki kwè nan yon lespri siperyè yo pa janm wè menm yon fwa nan vi yo.

    Apre tout moun fin manje lalo a, matant Founa deplase pou li al achte kèk rejim bannann nan sant vil la. Aswè a se griyo k ap genyen. Franklen tande sa, byen vit li di granma l ap dòmi avèk yo aswè a. Festen sa a li paka rate l. Konsa konsa, nan netwaye vyann, fè pwòpte nan kay, chita bay blag ak kèk lòt aktivite, li vin fè labrenn sou moun yo. Se moman lodyans. Pandan matant Founa ap sipèvizè preparasyon fritay la, Granma chita ak Dyesèl epi Franklen, l ap rakonte yo kèk istwa.

    Granma esplike ti mesye yo gen yon epòk, kay la te gen yon tanbou k ap siveye l sòti dizè nan lannuit pou rive katrè nan maten. Tanbou sa a te mistik, li pa janm ret anplas, tanzantan li chanje pozisyon nan kay la. Dyesèl fasine, li t ap renmen viv yon bagay konsa, men domaj gen kèk lane tanbou a sispann manifeste. Malgre sa granma di ti mesye yo tanbou a toujou ap voye je sou kay la ak sila k ap dòmi ladan yo. Nan kè li, Franklen di tout sa yo se pawòl tafya.

    Sòti nan yon lodyans pou tonbe nan yon lòt, fritay la separe, tout moun manje. Te gen te melis ki fèt tou, tout moun bwè. Kounya se lè pou tout moun ale dòmi.

    Epi blòk onzè nan aswè yo konsa, Franklen gen yon pipi cho ki kenbe l. Li leve pou li al jere sa deyò a paske pa gen bokit pou sa nan chanm li an. Pandan misye pral rive sou galeri a, li voye je l bò doum dlo a, li wè yon ti tanbou. Rapid, misye panse ak istwa granma a. Kanmenm sa pa twò ebranle l, kichòy sa yo pa egziste vre. Li fin pipi epi li vire pou l rantre, li gade bò doum nan ankò pou l verifye, li pa wè tanbou a. La a, Franklen frikat. Je l pa gen okenn pwoblèm, sa l te wè a se sa. Misye mache pi vit kounya nan direksyon chanm li an. Epi pandan l ap travèse salon an, li wè tanbou a sou tèt televizyon an. Franklen afole atò, sa k ap pase a pa senp ditou. Misye derape ak yon vitès, li kouri rantre nan chanm li an, epi li take pòt la. Apèn li vire pou li rekouche, li tonbe sou tanbou a ankò, fwa sa a li bò pye kabann lan.

    Dyesèl pantan nan dòmi, li tande de gwo rèl. Li kouri sòti pou li al founi je, li tonbe sou granma ak matant Founa k ap pran direksyon chanm Franklen an. Misye suiv yo. Lè yo pete pòt chanm lan pou yo rantre, yo jwenn Franklen etale atè a. Granma pwoche l, li pa mouri, souf li toujou la. Twòp emosyon wi ki endispoze materyalis la.

Herbert N.

La Chronique de J-One

 

La Chronique J-One

La nouvelle du jour: la police a mis la main dans la patte cassave du père Bawon. Longtemps en marron, le père a été arrêté et mis derrière quatre murailles. Pour une fois, on semble vouloir aller vers la fin d’un dossier. La route est encore longue mais on peut espérer. Parallèlement, l’autre bord de l’eau on a annoncé l’arrestation d’un policier haïtien impliqué dans une attaque contre la police. Visiblement, il était plus disposé à faire le police que la police.

Parlant de police, de nouveaux jouets sont arrivés. On attend de voir si ces nouveaux blindés vont réellement servir à récupérer les territoires perdus de la république ou bien s'ils vont servir le même petit business qu’on connait tous, celui de transporter les plus offrants et leur faciliter le passage dans les zones chaudes ? Il n’est que d’attendre car l’avenir peut nous réserver plein de surprises.

Entre-temps, la ville était en mal macaque encore. On a même eu droit à des petits kouri d’antan. Et puis le tolalito policier se poursuit au Bicentenaire. On fait replier les policiers pour des raisons hautement stratégique dit-on, pour revenir après. Peut-être ont-ils replié pour aller participer à la cérémonie de remise de panneaux solaires et de motocyclettes, don d’une ambassade à la police. On nous donne, on prend, sans réfléchir aux priorités. C’est comme ça. On a cette mauvaise habitude de tout accepter et de ne pas avoir le courage de dire: non merci. Aussi semble-t-il que le tolalito n’est pas que policier, il est judiciaire aussi. La minus nomme un commissaire du gouvernement pour le rappeler quelques heures seulement après sa nomination. Même dans des affaires de la plus haute importance, on tâtonne.

Pendant qu'on casse les mains de la population, on ne veut même pas lui rendre compte. L'ex première dame de très courte durée a tout fait pour éviter d'informer la population sur le budget du HCT. Donc la population n'a pas le droit de savoir combien lui coûte ce trio qui est payé pour ne rien faire du tout. Ah non! Et maintenant, on veut mettre le cap sur le forum de la sécurité. Des rassemblements très coûteux, pour peu ou pas de résultat. 

Enfin le premier minus a fini de réfléchir. Il lui a fallu moins de temps que prévu et puis après tout, notre homme maitrise très bien les neurones. Finalement, le 18 mai sera officiellement célébré au Cap-Haïtien. On réinvente la tradition, on réinvente l'histoire, mais de cette manière, le premier minus contourne aisément le problème de la terre promise. Pendant combien de temps encore va-t-il pouvoir contourner les territoires perdus, puisque le pays tout entier se transforme lentement mais sûrement en un vaste territoire perdu?

Kwonik Dyesèl

 

Tout ti vis

Machann pèpè ann Ayiti.

Kòm dabitid, mache Kwadèboukè a chaje moun epi anplis se yon vandredi, gen plis mouvman toujou. Machann yo enstale, yo ap veye kliyan ki enterese. Yo gen yon fason atistik yo mete machandiz yo an valè, se plezi nèt ale. Ak eksperyans yo genyen tou, yon senp kout je pèmèt yo konnen si moun ki ap pase yo gen gwo sòm kòb sou yo oubyen yon ti pay monnen. Lè se premye ka a ki prezante, machann yo deplwaye tout cham ak tout ladrès yo gen nan djakout yo nan lide pou yo atire kliyan an vin depanse nan bak pa yo a pito. Men lè se dezyèm ka a, yo pa pèdi tan yo nan gaspiye enèji pou granmesi.

Lòt bagay ki enpòtan sèke machann yo konn pwodui yo ap vann yo sou bout dwèt yo. Nenpòt moun ki ta eseye vin blofe yo, li ap peye sa chè paske yo metrize tout detay ki konsène pri, kote li soti ak kalite pwodui yo, sòti nan A jouk rive nan Z. Epitou, yo konn tout wout pou yo fè pou yo jwenn machandiz yo a pi bon mache, konsa yo ap kapab fè plis benefis san yo pa pete fyèl kliyan yo. Anplis, yo gen yon jagon espesyal yo itilize pou yo kominike, sitou nan moman yo pa vle lòt moun konprann de kisa yo ap pale.

Gen konkirans nan mitan yo vre, paske genyen ki konn chita nan menm espas alòske yo ap vann menm pwodui. Men sa pa anpeche yo solidè youn ak lòt, nan bon kou nan move moman. Lè gen lavant tout moun pwofite fè chay yo, lè gen kalmi youn bay lòt bourad. Se solidarite sa a ki pèmèt yo fè rezistans ak vye reyalite yo twouve yo a. Malgre solèy la cho, malgre pil fatra ap pouse move lodè anba nen yo, malgre bandi ap fè yo monte maswife chak jou ki jou, yo la, ak lespwa yo ap vann kichòy avan yo rantre lakay.

Gen anpil rimè ki ap sikile pou fè kwè machann yo fò anpil nan di betiz. Byenke se pa tout yo di ki konsa, men daprè temwayaj, si ou tonbe sou youn lè li nan move jou li, pawòl li ap di ou yo ap tèlman brile ou, menm mak yo ka kite sou po ou. Mwen prefere di rimè paske mwen pa konnen kòman sa ye an reyalite, men Dyesèl te fè eksperyans lan li menm.

Yon bon jou konsa, misye parèt nan mache a, li poulòp dwat kote pèpè yo ye a. Misye vin achte frèch pou yon aktivite pisin ki ap fèt nan demen maten. Nan founi je gade konsa, li remake yon bèl mayo blan. Misye pwoche, li gade pwodui a epi li mande pri. Machann nan ki te deja ap suiv misye de lwen, gentan konnen misye gen bon ti kou bwas nan pòch li, si li pran byen ak mouche a petèt li ka fè yon bèl afè, sitou depi maten li pako vann anyen.

Finalman li mande mil goud pou mayo a, Dyesèl pwopoze li senkant li menm. Kòmè a rape mayo a nan men misye, li wete chapo ki te nan tèt li a, li mete de men li sou kote li epi li di : « Gade kakòn figi ti nèg la. Ak baton kou ou tankou banbou nan forè Brezil la, ou dwe panse isit la se gran ri. Kounya manman ou dwe panse se yon  pitit ki ap itil li wi li redi pouse a, poutan se yon amonsèlman fatra dèyè kay peyizan li mete sou tè a. Mouche a tou long kouwè poto elektrik nan kafou kat epi li panse se ti tèt pèpè mwen an li ka vin bay madichon. Alewè ou pote malchans wi, ak fòm machwè sa ou genyen an ou pa fouti sot nan bon ras ! Evre wi ti nèg la nève mwen, li dwe panse se ak ti petas sou katye li yo, li konn ofri degouden ann echanj bòbòt yo li annafè la a! Mwen ta di w plis wi. Gade demaske ou devan mwen an avan lwa monte nan tèt mwen tande ti nèg. « 

Frap yo tèlman vyolan, Dyesèl pran kèk segonn avan sèvo li rekòmanse fonksyone nòmalman. Lè misye resi louvri bouch li pou li reponn, li di machann lan : « Bon bèl ti manmi, fòk mwen machande avan m achte wi ». Imedyatman dam nan rebalanse pou misye ankò.

- Pa fout rele m manmi ! Mwen pa rekonèt ou ! Moun tankou mwen pa konn anfante.  zenglendo nan tranp ou yo. Ou tou abiye tankou majòrèt ki pral defile nan madi gra deja, pou ou jwenn yo ap ofri ou bèl pèpè sa a ou deside fè makak.

Fwa sa a Dyesèl pa di anyen, li sispèk si li oze reponn machann lan ankò bagay la ka vin pi grav pou li. An menm tan, misye paka deplase san li pa achte mayo a, sa t ap pi katastwofik toujou. Finalman, misye rale mil goud nan pòch li, li lonje li bay machann lan. Apre li fin pran mayo a mete nan valiz li, misye deplase. Jan sa mal kòmanse la a, misye vin konprann si li pa pridan ak machann yo li posib pou yo fè kale li nan mache a. 

Apre mayo a, li gen lòt kichòy pou li achte. Men devan chak machann li kanpe, se kòmsi se vizaj dam ki te kase met nan bòl li a li wè. Pou menm bagay la pa repete, misye oblije pa ale fò nan pri li ap bay yo. Konsa konsa, tout kòb ki te nan pòch li a pase nèt, menm machin li p ap ka peye pou li rantre lakay li. Sèl ti satifaksyon li : sèke sa li achte yo bèl, malgre li peye yo plis pase sa yo vo. Dyesèl onèt ak tèt li, li pa t ap ka sipòte yon lòt seyans jouman ankò. Li ap pran wout la a pye, pa gen lòt chwa. Misye vise valiz la nan do li pi di, epi li tanmen mache nan direksyon sòti a.

Herbert N.

La chronique de J-One

 La chronique de J-One

Scoop! cinq lettres comme les cinq problèmes du pays. Le scandale diplomatique n’est pas à sa fin. Ouf ! deux ex minus, dont l’un qui veut ede, se sont livrés en direct à un spectacle autant ridicule que stupide autour de leurs tours de passe-passe pour des affaires de passeports. Les accusations fusent de toute part. Deux diplomates qui s’accusent de corruption en onde, ce n’est pas trop diplomate mais ça aide à comprendre aussi ce qui se passe dans les représentations du pays à l’étranger. Et comme un problème ne vient jamais seul, un autre a été soupçonné d’abus sexuel. Ah… Monsieur Lafouque Chaude a vu une nippone et il a cru avoir le droit de faire un hentai. De toute façon, il n’a pas raison de faire saisissement car les représentations diplomatiques l’autre bord de l’eau fonctionnent à l’image même du pays.

Comme chaque année, il y a une période ou des marchés publics partent en fumée. C’est devenu maintenant une habitude. Au cœur de la ville dédiée à la mémoire de cet ancien président, un marché est emporté par les flammes. Aucune explication n’est fournie. Comme s’il y avait quelque part un pyromane qui prend le malin plaisir à nous jouer des mauvais tours à chaque fois et plonge à chaque fois des marchandes dans la tristesse et dans la misère.

Dans les banques, c’est la guerre ouverte entre caissiers et clients. Plusieurs banques gardent leur porte ouverte que pour la forme mais n’effectue aucune transaction. On parle de rareté de dollar. Serait-il possible qu’il y ait un diable qui suce les dollars qui rentrent au pays? Alors qu’on se plaint de la rareté, deux employés auraient fait dappiyanp sur une somme assez importante dans une certaine banque. Normalement, dans un autre pays cela aurait été un début de crise majeure, mais ce pays a ce pouvoir immense de faire exception à toutes les règles.

Enfin, les nerfs se chauffent. Il y a une sensation de bombe à retardement qui est chargée. On est dans une poudrière et on applaudit le cracheur de feu qui manie la flamme. Cela nous amuse. Pauvre nous. Et puis il y a cette police qui, maintenant s’amuse à tourner des vidéos promotionnelles. On fait du show-off. Oups ! Je dois me taire car le chef risque de me traduire en justice.

 

La chronique de J-One

 

La chronique de J-One

Un proverbe très connu dit : « A chaque jour suffit sa peine »; et ici, comme à notre habitude de réinventer le monde, nous avons aussi réinventé ce proverbe en : « A chaque jour suffit son zen ». Le bruit court, qu’un vaste scandale de corruption impliquant de grands dignitaires du pays a été dévoilé. Ce n’est pas une première. Et comme à chaque fois, ceux qui devraient prendre des décisions lavent leurs mains comme Ponce Pilate. Du coup, pas étonnant que les responsables à l’ambassade en question aient scandé leur innocence. Dossier à suivre, s’il n’est pas classé sans suite. De toute façon, on a vu un ancien directeur de police reprendre tranquillement son poste d’ambassadeur alors qu’il a été impuissant lorsqu’il s’agissait de protéger un président de la république.

Pendant ce temps, un ancien premier ministre appelle à en chasser un autre et invite le peuple a gardé le pénis décalotté. L’abolotcho de ça ! Après, il faut tout de même comprendre que monsieur est un fan incontestable du sexe masculin. Après avoir profité des années de cela du pénis dans l’anus, maintenant il se montre favorable au pénis décalotté. Une vraie histoire d’amour entre lui et le bois qui, visiblement n’est pas à son terme. Après, c’est peut-être une manière de faire don de soi à sa communauté ou bien d’ede.

 Pendant ce temps, un semblant de calme règne sur la ville. Les gens regagnent leurs activités. Et comme on l’avait prédit, les bandits en profitent pour lancer la contre-offensive. À Fort-Jacques, plusieurs membres de la population ont été tués. Pareil à Liancourt. A la sortie Nord de la capitale, d’autres sont pris en otage. Entre-temps, la police menace. Oui, comme vous l’entendez. La police menace de porter plainte contre ceux qui tentent de porter atteinte à l’image de l’institution, comme si la police avait une bonne image à vendre. Je n’en dirai pas plus, car les chefs du pays peuvent en profiter pour faire de moi leur cas d’exemple.

Aujourd’hui, c’est la journée mondiale de la liberté de la presse. Comme c’est mondial, on s’y met aussi. Dans un pays où la liberté même est menacée, parler de liberté de la presse apparait comme un non-sens. Dans un pays, où les journalistes sont toujours la cible de dirigeants et d’opposants, parler de liberté de la presse devrait être une lutte permanente.

Enfin les amis, il y a tellement de choses à dire, mais avec cette chaleur, Ed’H qui part pour chez Biden et cette colonie de Marengwen qui débarque, c’est devenu de plus en plus difficile de parler d’autres choses. Cette nouvelle situation complique l’équation. Dormir nu, au risque de fuir comme une bouteille s’il survient une attaque des bandits? Prendre une couverture pour se protéger de l’invasion des marengwen au risque de se réveiller tremper le lendemain ? Que de calcul à faire juste pour un peu de sommeil !

La chronique de J-One

La chronique de J-One

Deux semaines déjà depuis que le pénis est décalotté. C’est la chasse aux bandits et à tous ceux-là qui s’y apparentent. Maintenant, pour les bandits, le bois n’est pas marré. Bien au contraire, le bois est bel et bien calé! Pour combien de temps encore? Personne ne le sait. Les grands orients comme on les appelle ne disent rien. Même la très chère minus qui a dit au peuple de prendre son courage à deux bras, reste bouche bée devant ce spectacle. Celui qui a la responsabilité de protéger le citoyen condamne depuis l’étranger. Qu’adviendra-t-il demain ? Personne ne le sait. Sauf que la prudence est de mise.  Car désormais, le bois calé se présente comme une solution pour faire prendre conscience aux autorités qui restaient trop longtemps bras croisés.

Pendant ce temps, la note vocale d’un puissant bandit circule. Il déclare sa flamme à la population. La population, elle, lui réserve la flamme. Peau diable, peut-être a-t-il peur le pauvre? Il en a toujours été ainsi, un jour pour chasseur, un jour pour gibier. Chacun à son tour et comme on le dit si bien: qui frappe par le p, périra par le même p.  

Aujourd’hui, c’est le premier mai. Fête du travail. C’est paradoxal, le jour de la fête du travail est férié. Les chefs du pays ont aussi chômé, comme si les autres jours ils avaient l’habitude de travailler. Seuls ceux qui tirent ont travaillé aujourd’hui. Ça a tiré de partout aujourd’hui mais bon on semble s’y habituer maintenant. C’est devenu pour nous un événement comme ça, comme ça. Et puis comme si la fête du travail ne suffisait pas, il fallait autre chose. On a aussi fait du premier mai la fête de l’agriculture. De quelle agriculture parle-t-on déjà? On a sacrifié la production locale au profit de l’importation. Même les bananes que nous avons consommées dans les différentes foires aujourd’hui proviennent de chez nos voisins. Mais comme il faut se bercer d’illusions, on parle toujours d’agriculture. Mais bon…

Le premier minus quant à lui travaille. Il ne chôme pas. Plusieurs chantiers le préoccupent. Et ce premier mai, notre homme travaille. Ce n’est pas un travail physique mais un travail mental. En ce premier mai, le premier ministre-président doit penser pour l’avenir et faire un choix rapido-presto car le temps presse. Dans seulement 17 jours, il devra faire quelque chose. Maintenant qu’il peut compter sur madame Petite Sœur y parviendra-t-il ? À 17 jours seulement du 18 mai, le premier minus se questionne : Arcahaierai-je? Universitérai-je? Mupanahrai-je? Les trois ont leurs avantages et surtout leurs inconvénients. Le temps presse. Notre homme hésite encore, mais bientôt il va devoir choisir et affronter la réalité.

Kwonik Dyesèl

Tranzit

Passeport haïtien

Li senkè nan maten, Janjan chita sou galri a. Li rale telefòn li nan pòch li epi li fè yon plan entènèt. Apèn mesaj la monte li kouri ale sou sit entènèt paryaj la. Nòmalman misye pa konn abitye leve bonè konsa. Sa ki pase, avan li dòmi yèreswa a, li te fè yon fich nan match baskèt yo. Maten an la a kè li cho, se rezon sa a ki fè li gentan leve pou li gade si kòb la fèt. Malerezman, gen plizyè ekip ki boule li. Misye depoze telefòn lan la avèk depi, kounya li ap pwomennen rega li sou alantou yo. Kwen an trankil, sanble tout moun ap dòmi toujou. Si se an pwovens li te ye, kòk yo t ap tèlman chante nan tèt moun yo, yo t ap gentan sou de pye yo lontan deja. Kote misye abite a, pa gen pyès pyebwa nan vwazinay la, se yon pakèt kay an beton ki aliyen arebò wout la. Jan zòn nan trase a lakoz kay yo kwense kwense, epi batiman yo pa parèt solid pase sa. Li posib pou okenn kretyen vivan pa chape si ta gen yon tranblemanntè. De tout fason, sa pa twò enpòtan pou ni pwopriyetè ni sila ki nan lweyay yo. Prevansyon pa yon mo nou bay valè epitou ta sanble tout moun di tèt yo sizoka ta gen yon katastwòf, yo p ap pami viktim yo. Èske se lafwa oubyen inyorans ?

Telefòn Janjan sonnen, asireman se yon mesaj Whatsapp. Misye pran li sou chèz la, li devewouye ekran an. Lè li rantre nan konvèsasyon an li wè se yon patnè li ki pataje yon lyen avèk li. Anba lyen an, tou gen yon mesaj vokal. Ladan li, zanmi an esplike misye ki fason ki pi efikas pou li ranpli yon fòmilè sou sit entènèt gouvènman Meksik la. Se sou sit sa a tou li ap ka mande yon randevou, konsa petèt li ap ka tanmen demach pou li jwenn yon viza. Mouche a pran tan li pou li byen tande esplikasyon yo, se kòmsi lavi li depann de sa li ap tande a. Apèn li fin koute mesaj vokal la, li voup li leve, li pran direksyon chanm li an.

Fason misye vòltije sot sou chèz la, ou pa ta di li gen dife nan dèyè li. Janjan annik franchi pòt chanm lan, li vare sou bifèt la. Janjan fouye men li nan kwen goch la epi li rale paspò a. Li ale dwat nan paj ki enterese li a, misye wè li manke twa jou pou dat ekspirasyon paspò a rive. Imedyatman, tanperati kò misye monte, tèt li vin tou cho kouwè moun ki gen lafyèv. Pito misye ret grangou, pito li fè yon mwa antye san yon goud nan pòch li, men koze paspò ekspire a se yon malè pandye. Ti bout livrè ble maren sa a, gen moun ki ap bliye atò non manman yo, men jamè bliye kote li sere nan kay la.

Sa pral fè Janjan sizyèm fwa li ap renouvle paspò a, poutan misye pako kite peyi a menm yon fwa. Antouka sa pa enpòtan, fòk li konnen tout afè li pare jou li ap resi jwenn chans kite tè glise sa a. San li, se kòmsi tout lespwa kaba, misye t ap tou gen lenpresyon lavi li fini. Pou jan bagay yo makawon la a, se sèl enbesil ki ap flannen nan peyi a san paspò. Endividi sila yo merite fwete pou sòt, paske se sèl egare ki ap aksepte pase tout egzitans yo nan lanfè sa a.

Avanyè laprès te anonse genyen kèk foutbolè ayisyen ki te al jwe nan peyi Meksik, pifò nan yo te tou pwofite sove pou yo pa tounen isit la. « Sove » se mo sa a tout medya yo te itilize a, nòmalman se pou vòlò yo konn anplwaye li. Poutan foutbolè yo pa te vòlè anyen. Antouka, jou sa a se pa ti kontan Janjan te kontan. Ti mesye yo entelijan anpil, yon opòtinite konsa li pa t ap kite li pase non plis. Misye pa janm konprann moun sila yo ki konn jwenn chans kite peyi a epi apre sa yo chwazi tounen. Jiskounye misye pa janm alèz ak yon kouzin li akoz koze sa a. Fi a te vwayaje ak koral legliz li, olye pou li tou chape, li tounen vin pase mizè. Janjan pa t ap bay piyay sa a, lagwa de Dye pa vo kokennchenn sakrifis sa a.

Nan fè tantativ pou li pati, misye gentan boule yon pakèt kòb. Gen moman se pou li legalize papye li yo, gen kèk fwa tou se pou raketè yo ede li jwenn viza pou Brezil oubyen Chili. Malgre echèk sa yo, Janjan tenas, fòk li kite peyi a kanmenm. Men kounya gen posibilite pou li lage kò li Meksik, se atò pral gen depans. Nan moman an, sèl grenn priyorite misye se renouvle paspò a. Li tounen sou galeri a pou li al rele kèk moun ki dwe li. Plizyè apèl fèt, men repons yo toujou negatif, moun yo razè nan moman an.

Boutofen, misye pa gen lòt solisyon pou li jwenn lajan an, se swa li met laptòp la lekòl, se swa li tounen fè yon lòt fich sou sit paryaj la. Desideman Janjan pa moun isit, se de pasaj li ye.

Herbert N.